Félags- og húsnæðismálaráðuneytið hefur gefið út uppfærðar fjárhæðir tekju- og eignamarka vegna félagslegra leiguíbúða fyrir árið 2026.

Fram kemur í færslu ráðuneytisins að tekju- og eignamörk séu sett til að tryggja að félagslegar leiguíbúðir nýtist þeim sem hafa mesta þörf fyrir húsnæðisúrræðið.

Horft er til eftirfarandi marka við mat á því hvort fólk falli innan gildandi skilyrða gilda um mörk vegna tekna og eigna:

• Árstekjur einstaklings: 7.874.000 kr.
• Árstekjur fyrir hvert barn að 20 ára aldri sem býr á heimilinu: 1.969.000 kr.
• Árstekjur fyrir hjón og sambúðarfólk: 11.025.000 kr.
• Eignamörk: 8.499.000 kr.

„Uppreiknuð tekju- og eignamörk tóku gildi þann 1. janúar síðastliðinn,“ segir í færslunni.

Þá segir að um sé að ræða tekju- og eignamörk leigjenda félagslegra leiguíbúða sem fjármagnaðar hafi verið fyrir 10. júní 2016 með lánum frá Íbúðalánasjóði á grundvelli þágildandi laga um húsnæðismál.

„Þann dag tók við nýtt fyrirkomulag fjármögnunar slíkra íbúða með stofnframlögum á grundvelli laga um almennar íbúðir.“