Í lok annars ársfjórðungs 2025 bjuggu 391.810 manns á Íslandi, samkvæmt nýjum tölum Hagstofu Íslands. Á fjórðungnum fjölgaði landsmönnum um 1.810.
Af heildarfjöldanum eru 200.660 karlar, 190.950 konur og þau sem eru kynsegin eða skilgreina sig með öðrum hætti 200.
„Á höfuðborgarsvæðinu bjuggu 250.400 manns en 141.410 utan þess. Erlendir ríkisborgarar voru 68.980 eða 17,6% af heildarmannfjöldanum,“ segir í frétt Hagstofunnar.
Fram kemur að á öðrum ársfjórðungi þessa árs hafi 1.100 börn fæðst, en 600 einstaklingar látist.
„Á sama tíma fluttust 1.350 einstaklingar til landsins umfram brottflutta. Aðfluttir einstaklingar með íslenskt ríkisfang voru 100 umfram brottflutta, en aðfluttir erlendir ríkisborgarar voru 1.240 fleiri en þeir sem fluttust frá landinu. Fleiri karlar en konur fluttust frá landinu.“
