Icelandair hóf um helgina áætlunarflugi til og frá Miami í Flórída. Nýju flugleiðinni var fagnað bæði á Keflavíkurflugvelli og í Miami.
Í tilkynningu flugfélagsins kemur fram að flogið verði til Miami þrisvar í viku, á þriðjudögum, fimmtudögum og laugardögum, til 2. maí 2026.
„Flugtími er um átta klukkustundir á nýjum Airbus A321LR vélum félagsins.“
Icelandair segir að Miami sé nítjándi áfangastaður flugfélagsins í Norður-Ameríku og annar áfangastaður félagsins í Flórída. Félagið hefur um árabil boðið upp á flug til Orlando.
„Miami borg er þekkt fyrir fallegar strendur, fjölbreytta menningu og líflegt næturlíf.“
Þá er haft eftir Boga Nils Bogasyni, forstjóra Icelandair, að mikil ánægja sé hjá félaginum með að hefja flug til Miami og bjóða farþegum upp á nýjan og spennandi áfangastað í Flórída.
„Nýju Airbus vélarnar opna tækifæri til þess að bæta við spennandi áfangastöðum og Miami er frábært dæmi um það,“ segir hann.
Þá opni flugið einnig fjölbreyttar tengingar fyrir farþega frá Miami til 38 áfangastaða Icelandair í Evrópu, um Ísland, og öfugt.