Sprotasjóður leik- grunn- og framhaldsskóla hefur úthlutað tæpum 64,4 milljónum króna til tuttugu skólaþróunarverkefna fyrir skólaárið 2026–2027.

Afhending styrkja fór fram í Safnahúsinu sl. laugardag, en þá afhentu Inga Sæland, mennta- og barnamálaráðherra, og Bragi Þór Svavarsson, formaður stjórnar sjóðsins.

„Sprotasjóður styður við þróun og nýjungar í skólastarfi í leik-, grunn- og framhaldsskólum í samræmi við stefnu stjórnvalda og aðalnámskrá viðkomandi skólastiga,“ segir í frétt mennta- og barnamálaráðuneytisins.

Þá kemur fram að umsýsla sjóðsins sé hjá Rannís og á árið 2026 hafi verið lögð áhersla á eftirfarandi þætti:

• Grunnþáttur menntunar: Lýðræði og mannréttindi
• Nýjar leiðir í kennsluaðferðum og námsmati með sjálfstæði og virkni nemenda að markmiði

„Sjóðnum bárust 39 gildar umsóknir að undangenginni auglýsingu og sótt var um rúmlega 146 m.kr.“

Á gagnatorgi Rannís er svo hægt að sjá yfirlit styrktra verkefna Sprotasjóðs.

Fram kemur í færslu ráðuneytisins að þar megi einni nálgast upplýsingar um styrkt verkefni Sprotasjóðs frá árinu 2022 og finna stutta lýsingu úr lokaskýrslu, sem birtist eftir að verkefni er lokið.

Eftirfarandi verkefni hlutu styrk árið 2026:

Styrkþegi	Heiti verkefnis	Úthlutaður styrkur
Kópavogsbær	Gervigreind – Uppspretta nýrra tækifæra?	6.550.000 kr.
Menntaskólinn á Ísafirði	Hönnunarhugsun í þróun kennsluhátta og námsmats	6.250.000 kr.
Mosfellsbær, allir leikskólar	Samskiptasáttmáli Mosfellsbæjar	5.000.000 kr.
Listasafn Íslands	Þar sem sögur mætast	4.460.000 kr.
Hagaskóli	Íslenska í daglegu lífi ungmenna	4.200.000 kr.
Kópavogsbær, menntasvið	Lausnahringurinn í leikskólum Kópavogs	4.000.000 kr.
Foldaskóli	Skólastofa samtímans	4.000.000 kr.
Sveitarfélagið Árborg, leikskólinn Jötunheimar	Mál skiptir máli	3.500.000 kr.
Neyðarlínan ohf.	Stærri og sterkari Sexa	3.410.000 kr.
Lundasel – Pálmholt	Að undrast – Samræður í leikskólastarfi	3.360.000 kr.
Borgarhólsskóli	Lítil skref á leið til læsis	3.200.000 kr.
Reykjavíkurborg, leikskólinn Rauðhóll	Skógarhópurinn – Rannsókn í þágu lýðheilsu barna	3.000.000 kr.
Borgarbyggð, leikskólinn Klettaborg	STEAM og leiðsagnarmat- Þróun námsmenningar	2.660.000 kr.
Akureyrarbær, Glerárskóli	Fjársjóðskort og fjölbreyttar kennsluaðferðir	2.500.000 kr.
Vogaskóli	Raddir ungmenna, lýðræði, tölfræði og textalæsi	2.000.000 kr.
Akureyrarbær, Iðavöllur	Fjárfestum í framtíðinni – jöfn tækifæri til náms	2.000.000 kr.
Selásskóli	Leikur á viku hreyfing, samvinna og lýðræði í leik	1.730.000 kr.
Alice Demurtas	Kveikt – QFT í Kennslustofunni	1.200.000 kr.
Vogaskóli	Undirbúningur milli skólastiga	800.000 kr.
Reykjavíkurborg, Hvassaleitisskóli	Læsi fyrir lífið	550.000 kr.